Astana Finance Days конференциясында белгілі экономистер, халықаралық қаржы институттарының басшылары мен саясаткерлердің қатысуымен пленарлық отырыс өтті. Спикерлер құрылымдық реформалар, іс-әрекеттерді біріктіру, азаматтардың әл-ауқатын арттыру және әлеуметтік жауапкершілікке қатысты мәселелерді талқылады.

27-29 маусым аралығында Нұр-Сұлтанда Astana Finance Days 2022 халықаралық конференциясы өтіп жатыр. Негізгі тақырыптар: тұрақты даму, әлеуметтік жауапкершілік және жаһандық және аймақтық деңгейдегі даму.

Конференция аясында «Тұрақтылық және әлеуметтік жауапкершілік: «Жаңа Қазақстанның» тұрақты экономикалық өсу драйверлері» пленарлық сессиясы өтіп, онда белгілі экономистер, әлемдік қаржы институттарының басшылары мен саясаткерлер экономиканы қалпына келтіру мәселелерін талқылады.

Пленарлық отырыс Қасым-Жомарт Тоқаевтың бейне үндеуімен басталды, оның барысында ол Astana Finance Days 2022 қорытындысы «Жаңа Қазақстанды» құруға қажетті жаңа идеялар мен құралдардың генерациясы болатынына сенім білдірді.

Мемлекет басшысы мемлекет алдына азаматтардың әл-ауқатын арттыру арқылы экономиканың пропорционалды өсуіне қол жеткізу міндетін қойды. Ол үшін кәсіпкер топтар ойынның жаңа ережелері мен шарттарына тез бейімделіп қана қоймай, жоғары әлеуметтік жауапкершілік танытады деп күтілуде. 

«Халықаралық қоғамдастық бұрын-соңды болмаған геосаяси және экономикалық турбуленттілік жағдайында. Нәтижесінде жаһандық әлеуметтік-экономикалық, азық-түлік және энергетикалық қауіпсіздікке қатысты сын-қатерлер шиеленісе түсті, бұл 2015 жылы бекітілген БҰҰ-ның 2030 жылға дейінгі тұрақты даму жөніндегі міндетін іске асыру үшін ең жағымсыз салдарға әкеп соқтырады», - деді Тоқаев.

2022 жыл жаңа ауқымдағы проблемалар мен сынақтарды тудыратын жаһандық өзгерістер кезеңі болды. Коронавирустық пандемия мен одан кейінгі экономикалық дағдарыс, сондай-ақ геосаяси шиеленіс тұтас аймақтардың дамуын шектеп, елдер арасындағы алшақтықты ұлғайтты. Осы нақты жағдайларда Қазақстан тұрақты өсуге қол жеткізу үшін реформаларды қажет етеді.

«Коронавирустық пандемия табыс пен тұтынушылық сұраныстың төмендеуіне әкеліп соқтырған әлеуметтік сілкініске айналды. Осының аясында қаңтардағы наразылықтар құрылымдық өзгерістердің қажеттігін көрсетті. Ал мемлекет басшысы референдум арқылы жүзеге асырылған үлкен саяси реформаны бастады. Реформаның президенттің мәртебесін күшейтуге емес, керісінше, кейбір өкілеттіктерді парламентке беруге қатысты болғаны маңызды», - деді АХҚО басшысы Қайрат Келімбетов.

Дүниежүзілік банк тобының тең өсу, қаржы және институттар жөніндегі вице-президенті доктор Индермит Гилл инклюзивті, тұрақты өсуге қол жеткізудегі экономиканы әртараптандырудың рөлін атап өтті. Атап айтқанда, энергетика, ауыл шаруашылығы және тау-кен өнеркәсібі салаларында айтарлықтай әлеуетке ие Қазақстан жаһандық және өңірлік деңгейдегі негізгі мәселелерді шешудің маңызды элементі бола алады.

Сондай-ақ доктор Гилл реформаларды жүргізу үшін мемлекет өз азаматтарына сенім арту керектігін баса айтты. 5 маусымдағы референдум осындай сенімнің айқын дәлелі, демек, табысты әлеуметтік қайта құрудың кепілі екені анық.